Борбордук шайлоо комиссиясы КСДПнын каржы иштери боюнча өкүлү Надира Сатыгул кызынын уулу, БШКнын мүчөсү Адилет Сатыгуловдун кайда экенин билбейт. Анткени, акыркы жыйынга ал келген эмес. Тактап айтканда , БШКнын төрайымы Нуржан Шайлдабекова анын атынан ишеним катты гана көрсөткөнү болбосо, Адилет Сатыгуловду кесиптештери бир жумадан бери көрүшө элек.
Эске салсак, экс-президент Алмазбек Атамбаев “Апрель” телеканалына маек берип, КСДПнын бухгалтери шайлоо учурундагы чыр-чатакты жакшы билгендигин, ошондой эле өзүнүн өмүрүнө коркунуч туулганын билгендиктен чет өлкөгө чыгып кеткендигин айткан эле. Мындан улам ИИМ Надира Сатыгул кызына туулган коркунуч туулган деген маалыматты текшерип баштады.
