Калкка көмүр берүү 2023 — жылдын 5-августунан башталган. Бул тууралуу бүгүн, 11-сентябрда өткөн маалымат жыйында Энергетика министри Таалайбек Ибраев билдирди.
Анын айтымында, 2023-2024-жылдын кыш мезгилинде кыргызстандыктар жалпы 2 млн 746 миң тонна көмүр керектейт.
«Көмүрдүн баасы 4500-5000 сомду түзөт. Сатыкка коюлган баа саясатын монополияга каршы мамлекеттик агенттиги жүргүзөт. Бүгүнкү күнгө чейин республика боюнча 105 миң тонна көмүр казылды», — деди ал.