Аламүдүн районуна карашатуу Таш-Дөбө айыл өкмөтүнүн Фрунзе токой чарбасына караштуу Боз-Бөлтөк тоосу өрттөндү. Бул тууралуу Өзгөчө кырдаалдар министрлигинен билдиришти.
Тилсиз жоо катталган аймакка өрт өчүрүүчүлөр тартылган. Ошондой эле Токой чарба кызматынан 7, жергиликтүү тургундардан 4 адам жардамга чыгышкан.
«Жалындаган тилсиз жоо саат 22:32де чектөөгө алынып, саат 23:24тө толугу менен өчүрүлгөн. Өрттүн кесепетинен жалпысынан 5 гектар тоо янты күйгөн»,-деп айтылат маалыматта.
Жабыркагандар жок жана өрттүн келип чыгуу себеби такталууда.