Бүгүн Кыргызстанда Эгемендүүлүк күнү белгиленип, Чүй облусунун Аламүдүн районундагы Чуңкурчак жайлоосунда салтанаттуу иш-чара өтүп жатат.
Ошондой эле XIX кылымдын көрүнүктүү саясий ишмери Канай уулу Байтиктин (Байтик баатыр) 200 жылдыгы белгиленүүдө.
Өлкөнүн Эгемендүүлүк күнүн жана Байтик баатырдын 200 жылдыгын белгилөөнүн алкагында маданий иш-чаралар, тагыраак айтканда “Ынтымак” фестивалы, боз үйлөрдөн турган этникалык айыл уюштурулуп, оюн-зооктор тартууланды.
Анын алкагында чабандестер ат үстүндө кызык оюн көрсөттү.