Чаткал районунда 37 жаштагы Ж.С., аттуу жаранга сегиз жолу ок атылып, райондук ооруканага жаткырылган.
Жалал-Абад облустук милициясынан билдиришкендей, 2023-жылдын 7-июлунда болжол менен 14:30 чамасында Чаткал районунун 30 жаштагы С.Ж., аттуу тургуну жанында алып жүргөн ок атуучу куралы менен 1985-жылы туулган Ж.С., аттуу жаранды бир нече жолу атып жиберген.
Бул окуя Чаткал РИИБдин маалыматтардын электрондук журналына катталган.
Окуя болгон жерге Чаткал РИИБдин жетекчилиги жана тергөө-ыкчам тобу барып, кароо жүргүзүү учурунда бир даана ок жана гильзалар табылып алынган. Мындан сырткары, С.Ж., өз ыктыяры менен ок атуучу куралын тергөө-ыкчам тобуна өткөрүп берген.
Аталган окуя боюнча Жалал-Абад ОИИБдин тергөө кызматы тарабынан КР Кылмыш-жаза кодексинин 37-122-беренесининин негизинде кылмыш иши козголуп, шектүү катары С.Ж. аттуу жаран убактылуу кармоочу жайга киргизилген.
Учурда тергөө амалдары жүрүүдө.
