Кыргызстанда өткөн сутка ичинде COVID-19 инфекциясынан үч адам каза болду. Бул тууралуу саламаттык сактоо министринин орун басары Нурболот Үсөнбаев өкмөт үйүндө өткөн брифингде билдирди.
Анын айтымында, каза болгон бейтаптардын арасында дарыгер да бар.
«1961-жылы туулган жаран каза болду, ал дарыгер болуп иштечү. Ош шаарында даарыланып жаткан, ал коронавирус менен ооругун бейтаптарды кабыл алып иштеп жүрүп жугузган. Ал эми экинчи жаран Ош облусунун Кара-Суу районунун тургуну, 1965-жылы туулган адам. Нарын облустук ооруканасында даарыланып жаткан 1936-жылкы жаран да каза болуп калды», — деди ал.
Ал кошумчалагандай үч бейтаптын баарынын өнөкөн оорулары күчөп кеткен.
Жалпы каза болгондордун саны 20 кишини түздү.
