Душанбенин эл аралык аэропортунда эки чек арачы жана бир бажычы кармалганы белгилүү болду. Алар жүргүнчүлөрдөн акча опузалоого айыпталган. Тажикстандын Башкы прокуратурасы аэропорттун үч кызматкери кармалганын мартта гана кабарлаганы менен, алар былтыр эле колго түшүрүлгөн.
Тажикстандын башкы прокурору Юсуф Рахмондун билдиришинче, 2022-жылы сентябрда чек ара кызматынын прапорщиги Орусияга учуп кетүүнү көздөгөн тажик жаранынан 500 сомони же 45 доллар талап кылган учурда кармалган. Экинчи факты былтыркы жылдын аягында катталган: чек ара кызматынын офицери менен бажы инспектору аэропорттон Пакистан жаранынан 400 сомони жана 200 доллар пара талап кылып жаткан маалда кармалган.
Эки иш тең сотко өткөн, бирок айыпталуучуларга кандай өкүм чыкканы белгисиз.
2021-жылы ондогон кишилер тажик-өзбек чек ара көзөмөл-өткөрмө бекеттеринде чек арачылар жүргүнчүлөрдөн акча чогултуу менен алектенерине даттанышкан. Текшерүүнүн жыйынтыгында өткөрмө-бекеттердин биринин башчысы жана бир нече кызматкери жумуштан алынган.
Transparency International уюму быйыл январда жарыялаган баяндамасында “Тажикстанда коррупция көндүм көрүнүш болуп калганын жана бийлик бул тармакта тиешелүү реформаларды жүргүзбөй жатканын” билдирген.
Быйыл май айында Душанбе шаарында «Тянь-Шанга жол» аттуу эл аралык конференция өтүп, ага алыскы жана …
«Каракол» эл аралык аэропортунун курулушу 80%га аяктап калды. Бул тууралуу «Манас» эл аралык аэропортунан билдиришти. …
Душанбеде көмүр кычкыл газына ууланып бир үй-бүлөнүн алты мүчөсү каза болду. Каргашалуу окуя 27-февралга караган …
«Ош» эл аралык аэропортунда аба каттамдары жанданды. Бул тууралуу «Манас» эл аралык аэропртунан билдиришти. Буга …
Ысык-Көл облусундагы «Тамчы» аэропортунун тосмо дубалы кайра урап калды. Маалыматты «Манас» эл аралык аэропортунан тастыкташты. …
Тажикстандын Жогорку сотунда «Ориёнбанктын» мурдагы төрага орун басары Шухрат Исматуллоевдин өлүмүнө айыпталып жаткан 14 жарандын …
