Бүгүн, 11-августта, «Манас» эл аралык аэропорту ИАТА кодун FRUдан BSZге расмий түрдө өзгөрттү. Бул тууралуу аэропорттон билдиришти.
Өзгөртүү IATAнын 763-резолюциясына ылайык киргизилип, 2025-жылдын 9-майында жөнөтүлгөн билдирүүдөн кийинки 90 күндүк мөөнөт аяктагандан кийин күчүнө кирет. Бир нече жергиликтүү авиакомпаниялар жаңы кодду колдоно башташты.
«Асман» аны 12-августтан баштап транспорттук документтерге басып чыгарат.
«Эл аралык авиакомпаниялар ага бир нече күндүн ичинде өтүшөт. Бул убакыт алкактарынын айырмасы, ошондой эле системага жаңы коддун жүктөлүшү менен байланыштуу», — деп билдиришти «Манас» аэропортунан.