Бүгүн, 24-январда Жогорку Кеңештин Эл аралык иштер, коргоо, коопсуздук жана миграция комитети Кыргызстандын Украинадагы элчиси кызматына сунушталган талапкерди карайт. Бул тууралуу ЖКнын сайтында жазылат.
Учурда Кыргызстандын Украинадагы элчиси кызматын экс-президент Сооронбай Жээнбековдун бир тууганы Жусупбек Шарипов ээлейт. Ал аталган кызматка 2017-жылы дайындалган.
Жогорку Кеңештин сайтында сунуштала турган талапкердин аты-жөнү жазылган эмес.
Ал эми айрым маалымат каражаттары өздүк булактарынын маалыматына таянуу менен, элчи кызматына УКМКнын мурдагы төрагасы Идрис Кадыркулов сунушталып жатканын жазышууда.