Энергетика министри Таалайбек Ибраев Кыргызстанда бардык майнинг фермалардын иши токтотулганын билдирди. Бул тууралуу министр 24.kg маалымат агенттигине берген маегинде айтты.
Ал коомчулукта “майнинг фермаларга электр энергиясын берип, элге болгон 5 кВт кубаттуулукту 3 кВтка чейин түшүрдү” деген сын-пикирлер айтылып жатканын мисал, кылып буларды кошумчалады.
“Бизде “Камбар-Ата-2” ГЭСинде жана “Быстровкада” (ред: көмөк чордону) эки майнинг ферма бар. Мен майнинг фермалар ишин токтотконун жоопкерчилик менен айтам. Эгерде ишенбесеңер журналисттерди да жиберсеңер болот”, — деди ал.
