«Эркин Европа / Азаттык» радиосунун президенти Жейми Флай АКШнын глобалдык медиа боюнча агенттигинин жаңы жетекчиси Майкл Пактын чечими менен кызматтан алынганын билдирди. Ал мындай мазмундагы катын 18-июнда радионун кызматкерлерине жолдоду.
2019-жылдын август айында ишке киришкен Жейми Флай бул уюм менен узагыраак убакытка чогуу иштешүүгө үмүт артканын, радионун вице-президенти Дейзи Синделар жетекчинин милдетин аткаруучу болуп дайындалганын маалымдады.
«Associated Press» жаңылыктар агенттиги кабарлагандай, Пак «Эркин Азия» радиосунун, Жакынкы Чыгыш боюнча берүүлөр түйүнүнүн, Кубага берүү тараткан кеңсенин жана «Ачык технологиялар фондунун» жетекчилерин да кызматтан алды. Бир нече күн мурда АКШнын глобалдык медиа боюнча агенттиги тескеген «Америка добушу» радиосунун директору жана анын орун басары да кызматтан кетүү тууралуу арыз жазышкан.
«Associated Press» билдиргендей, эки апта мурда АКШнын глобалдык медиа боюнча агенттигинин жетекчиси болуп бекитилген Майкл Пак «Эркин Европа / Азаттык» радиосунун, «Эркин Азия» радиосунун, Жакынкы Чыгыш боюнча берүүлөр түйүнүнүн директорлор кеңештеринин бардык мүчөлөрүн алмаштырды.
Кызматтан алуу тууралуу чечимдердин алдында Майкл Пак АКШнын глобалдык медиа боюнча агенттигинин кызматкерлерине электрондук кат жолдоп, дүйнө жүзүндө көз карандысыз маалымат жана жаңылыктарды жеткирүү милдетин аркалап келе жаткан жогорудагы медиа уюмдардын өз алдынчалыгын камсыз кылууга дилгир экенин билдирди.
Булак: Азаттык.
Эл аралык республикалык инститтуттун (IRI) изилдөөсүнө ылайык, Кыргызстанда президенттин саясатын колдоо деңгээли 82%ды түздү. Бул …
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Казакстандын президенти Касым-Жомарт Токаев Шавкат Мирзиёевдин чакыруусу менен 5-апрелде Өзбекстанга барды. Бул тууралуу өзбек президентинин …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
