Эшатов: «Учурда бензинди 5-6 сомго арзандайт деп айтуу кыйын…»

Ушул жылдын, 25-январда Монополияга каршы жөнгө салуу мамлекеттик кызматы Кыргызстанда келерки айда бензиндин баасы 5-6 сомго чейин арзандашы күтүлүп жатканын билдирген. Бул тууралуу КР Нефтетрейдерлер ассоциациясынын президенти Канатбек Эшатовго “Кабар” агенттигине берген маалыматында азырынча бааны 5,6 сомго арзандатуу кыйын экенин айтты.

Ал бензиндин баасынын азыркы төмөндөө тенденциясы жыл сайын декабрь айынан январга чейин болуп туруучу сезондук көрүнүш экенин жана акыркы эки айда күйүүчү майдын баасы октябрь жана ноябрь айларында калган запастарды эске алуу менен эсептелгенин түшүндүрдү.

«Бүгүн дагы эле түшүп жатабыз. Декабрдан январга чейин күйүүчү майга болгон суроо-талаптын төмөндөшүнөн улам байкалган. Бирок бул январь айында жаңы баалар боюнча жаңы жеткирүүлөр менен чекене көрсөткүчтөрдү кескин жогорулатабыз дегенди билдирбейт. Биз аларды акырындык менен тегиздеп жатабыз. Декабрь айында баалар октябрда калган запастарды эске алуу менен, ал эми январь айында ноябрь айындагы запастарды эске алуу менен эсептелген”, — деп түшүндүрдү Эшатов.

Ал белгилегендей, күйүүчү-майлоочу майлардын дүң баалары ар бир он күн сайын өзгөрүп, январь айындагы жеткирүүлөр кымбаттатылган нарк менен келет. Бирок январь-февраль айларында жаңы жеткирүүлөр менен бензинге жана дизелдик отунга баалар да жаңы баада жеткирүүлөрдү жана эски баада сатылып алынган запастарды эске алуу менен орточо салмактанып алынган наркты чыгаруу жолу менен эсептелинет.

Монополияга каршы кызматтын прогноздору тууралуу айтып жатып, Нефтетрейдерлер ассоциациясынын президенти агенттик күйүүчү-майлоочу майдын чекене баасы төмөндөө баштагандан баштап бүткүл мезгилге 5-6 сом эсептелген дегенди билдирсе керек деген оюн айтты. Бирок мындай шартта күйүүчү май кошумча 5-6 сомго арзандайт деп айтуу кыйын.

«Азыр баалар дагы эле төмөндөп жатат, белгилүү бир пайызга арзандатуу болот. Ал эми дүң базарда азыр абал оор, бензин, дизелдик майдын жетишсиздиги белгилүү. Казакстанда бул аздык кылат жана алардын нефтетрейдерлери бир нече айга ири көлөмдөгү келишимдерге кол коюшту», — деп кошумчалады Эшатов.

Ошол эле учурда ал февраль айынан тарта талаа иштери кайрадан жанданарын, бул дизель майына болгон суроо-талаптын жогорулашына алып келерин жана бул продукциянын баасынын өсүшүнө таасир этиши мүмкүн экенин белгиледи.

Кошумчалай кетсек, Монополияга каршы жөнгө салуу кызматынын маалыматы боюнча, өткөн жылдын июнь айынан январь айына чейин А-80 үлгүсүндөгү бензин 5,5 сомго арзандаган. Ушул эле мезгилде А-92 үлгүсүндөгү бензин 4 сомго арзандаса, дизель майы тескерисинче 9,1 сомго кымбаттаган.

Ошол эле учурда автобензинге болгон баанын сезондук төмөндөшүн салыштырсак, анда ноябрдан январга чейин А-80 үлгүсүндөгү бензин 1,8 сомго, А-92 үлгүсүндөгү бензин 2,1 сомго арзандаган. Дизель майы акыркы айларда 1,7 сомго арзандады.