Кыргызстандын футбол боюнча жаштар курама командасы (U-20) 2025-жылкы Азия Кубогунун тандоо раундуна даярдыктарын улантууда.
25-29-сентябрда Бишкектеги Дөлөн Өмүрзаков атындагы стадиондо Кыргызстан, Япония, Мьянма жана Түркмөнстан курама командаларынын катышуусунда I тайпадагы тандоо турунун оюндары өтөт.
Мирлан Эшенов башында турган командага Бекназ Алмазбеков жана Эмир-Хан Кыдыршаев кошулду.
Алмазбеков улуттук курама команданын тандап алуу оюндарына чакырылган эмес. Ал эми Кыдыршаев Жалал-Абад шаарында өткөн CAFA мелдешинде команданын капитаны болгон.