Бүгүн, 10-июнда Кыргызстандын футбол боюнча улуттук курама командасы менен Ооганстандын курама командасынын беттеши башталды.
Оюн саат 21:00дө Бишкектеги Дөлөн Өмүрзаков атындагы борбордук стадиондо старт алып, дарбазалар саат 18:00дө ачылды.
Кыргызстан курама командасынын төмөнкү курамы оюн талаасына чыгары белгилүү болду:
Мирлан Мурзаев, Валерий Кичин,
Християн Браузман, Тамирлан Козубаев, Элдар Молдожунусов, Эрбол Атабаев, Кайрат Жыргалбек уулу, Одилжон Абдурахманов, Фархат Мусабеков, Бекжан Сагынбаев.
Дарбазачы — Эржан Токотаев.
Кыргызстандык футболчулар 16-июндан Иран курама командасы менен ойномокчу.
Белгилей кетсек, футбол мелдеши Борбор Азия футбол ассоциациясынын Улуттар Кубогунун тайпалык раундунун алкагында өтүп жатат.