27-декабрда Бишкектеги эски аянтта Караколго жөнөгөн GoBus шаттлын тосуп турган айдоочулар аны милициянын кийлигишүүсүнөн кийин кое берди.
Буга чейин жүргүнчүлөрдүн бири жол тоскондор Караколго кичи автобустар менен кетүүнү сунуштаганын айтып, окуя тууралуу видеону социалдык тармактарга жайгаштырган.
Автобустар өздөрүнө атаандаш болот деген кичиавтобустардын айдоочулары машинелери менен шаттлдын жолун тороп алгандан кийин жүргүнчүлөр милиция чакырышкан.
50 орундуу GoBus автобусу Бишкек-Каракол-Бишкек багыты боюнча 26-декабрда алгачкы каттамга чыккан.
