«Бишкек асфальт сервис» муниципалдык ишканасынын кызматкерлери эмгек тартибин бузгандыгы үчүн иштен бошотулганын мэриядан билдиришти.
Ишкананын төмөнкү кызматкерлери иштен бошотулду:
— инженер-энергетик;
— пландоо-экономика бөлүмүнүн башчысы;
— башкы бухгалтер;
— диспетчер.
Буга чейин социалдык тармактарда видео тараган. Анда белгисиз аял күйөөсүнүн жумушуна келип, анын үйгө келбегендигин, үй-бүлөсүн камсыздабай жаткандыгын айтып, жаңжал чыгарган. Мындан сырткары видеодон аялдын күйөөсү жана бир нече адамдар жумуш ордунда ичимдик ичип отургандыгын көрүүгө болот.
