Ысык-Көлдө толкун тартып кеткен жарандарды куткаруучулар аман-эсен жээкке чыгарышты. Бул тууралуу ӨКМ кабарлады.
Маалыматка ылайык, 28-июль күнү саат 15:07 чамасында 112 кызматына «Сары-Камыш айылына жакын көл жээгинде матрац баллон менен сууда жаткан эки адамды катуу толкун алыска тартып кетти» деген маалымат түшкөн.
«Балыкчы шаардык өзгөчө кырдаалдар бөлүмүнөн 4 куткаруучу жеринде куткаруу иштерин аткарышты. Натыйжада толкун тартып кеткен тургундарын аман-эсен жээкке чыгарышты»,-деп жазылат маалыматта.
Куткаруучулар эс алуучуларды көлгө түшүүдөгү коопсуздук эрежелерин сактоого чакырышты.
