Бишкектин кайра шайлоо өтө турган бир мандаттуу №27 Биринчи май жана №29 Свердлов округдарынан Жогорку Кеңешке депутаттыкка талапкерлерди каттоо бүгүн, 27-январда кечки саат 18:00дө аяктады.
Эки депутаттык мандат үчүн жалпы 72 адам талапкерлигин көрсөтүп, каттоодон өттү. Талапкерлер 30-январдын кечине чейин өздүк документтерин толук БШКга өткөргөндөн кийин гана шайлоого катышуу укугуна ээ болот.
Эске салсак, 2021-жылдын 28-ноябрындагы парламенттик шайлоодо бул эки округда “баарына каршы” деген добуштар көп болуп, 27-февралга кайра шайлоо дайындалган.