Президенттин Нарын облусундагы ыйгарым укуктуу өкүлү Алтынбек Эргешов «Кара-Кече» көмүр кесиминдеги көмүр казуу иштеринин абалын жеринде көрүп, облустук штабдын көчмө жыйынын өткөрдү. Бул тууралуу президенттин Нарын облусундагы өкүлчүлүгүнүн басма сөз кызматынан билдиришти.
Маалыматка ылайык, штабдын отурумунда көмүр казуунун көлөмү, экологиялык, техникалык коопсуздук эрежелеринин сакталбай жатканы, райондорго көмүр тартуу иштерин уюштуруу тартибинин абалы боюнча көйгөйлүү маселелер ортого салынды.
Облус жетекчиси Алтынбек Эргешов «Кара-Кечедеги» экологиялык, техникалык талаптарды сактоо маселеси түп тамырынан бери чечилиши керектигин, бул боюнча жакшылап анализ жүргүзүп, өлкө башчысына маалымат жана сунуш берээрин билдирди. Маселе боюнча экологиялык, техникалык инспекцияга жана прокуратура кызматкерлерине мыйзам чегинде иш алып баруу жагын тапшырды. «Ак-Улак» көмүр кесиминде да абал ушундай болбош үчүн азыртан эрежелерди сактоо зарылдыгын эскертти.
Штабдын отурумунда облус жетекчиси «Кыргызкөмүр» мамлекеттик ишканасынан экологиялык, техникалык эрежелерди сактоо, пландалган көлөмдөгү көмүрдү камсыз кылууну тездетүү, райондук администрациялар менен бирге көмүр кампаларын уюштуруу, карьердеги коопсуздук, тартип маселесин укук коргоо кызматкерлери менен бирдикте көзөмөлдөө жагын өтүндү.
Ал эми шаардын, райондордун жетекчилерине 15-сентябрга чейин социалдык объектилерге көмүр тартуу иштерин бүткөрүүнү милдеттендирип, калкты көмүр отуну менен камсыз кылууга жеке жооп бериле турганын эскертти.
«Кыргызкөмүр» мамлекеттик ишканасынын «Кара-Кече» филиалынын жетекчиси Болот Мукамбет уулу 1-августтан тартып калкка, 20-июлдан тартып социалдык объектилерге көмүр жүктөп берүүгө даяр экендигин айтты.
Быйыл Нарын облусуна жалпы 116 миң 54 тонна көмүр отуну керектелет. Анын ичинен калкка тартылуучу көмүр 90 миң 400 тоннаны түзөт.
Быйыл Бишкекте Кара-Кеченин көмүрүн сатууга жана жагууга тыюу салынды. Бул тууралуу “Азаттыкка” энергетика министринин орун …
Кара-Кече жана Миң-Куш көмүр казып алынуучу жерлерге ММК өкүлдөрү үчүн атайы пресс-тур уюштурулуп, жүрүп жаткан …
Кара-Кече жана Миң-Куш көмүр казып алынуучу жерлерге ММК өкүлдөрү үчүн атайы пресс-тур уюштурулуп, жүрүп жаткан …
“Кыргызкөмүр” ишканасы күз-кыш мезгилин туруктуу өткөрүүгө даяр. Бул тууралуу “Кабар” агенттигиндеги маалымат жыйынында “Кыргызкөмүр” мамлекеттик …
Бүгүн, 31-октябрда Жогорку Кеңештин Бюджет, экономикалык жана фискалдык саясат боюнча комитети Ош шаарында көчмө жыйын …
Жумгал районунун Кара-Кече көмүр кесиминде көмүр ташуу иши кызуу башталды. Бул тууралуу «Кыргыз көмүр» мамлекеттик …
