Мамлекеттик салык кызматы Оштогу Кара-Суу базарында иштеген ишкерлер көзөмөл-кассалык машиналарды (ККМ) колдонуудан бошотула турганын билдирди.
Мекеменин басма сөз кызматы тараткан маалыматка ылайык, 29-ноябрда Кара-Суу районунун администрациясынын алдына нааразылык акцияга чыккан соодагерлер тарап, соодасын улантып жатышат.
Салык мыйзамдары боюнча, Кыргызстанда стратегиялык объектилерге кирген базарлардагы ишкерлер өзгөчө салык режими менен иштей алары айтылды. Ушул тапта стратегиялык объектилерге Бишкектеги “Дордой” жана Оштогу “Тураталы эл базары” (ред: Кара-Суу) базарлары кирет.
Алар 2024-жылдын 1-январынан тартып өзгөчө режимдеги зонанын ичинде товарларды сатууда көзөмөл-кассалык машиналарды (ККМ), товардык-транспорттук коштомо кагаздын электрондук түрүн (ЭТТН) жана электрондук эсеп-фактураны (ЭЭФ) колдонуудан бошотулушат.
“Атайын салык режими пайда салыгын, сатуу салыгын, кошумча нарк салыгын алмаштырат жана акцизделчү жана атайын лицензияларды же уруксаттарды талап кылган товарлардан тышкары товарларды сатууга карата колдонулат”, — деп айтылат маалыматта.
Кара-Суу базарында иштеген соодагерлер көзөмөл-кассалык машинелерди (ККМ) колдонууга каршы экенин билдирип, 29-ноябрда Кара-Суу районунун администрациясынын алдына нааразылык акцияга чыгышкан.
Кыргызстандын бийлиги акыркы эки жылдан бери өлкөдө товар саткан ишкерлердин баарын көзөмөл-кассалык машиналарды (ККМ) колдонууга милдеттендирип жатат. Ага кошумча товардык-транспорттук коштомо кагаздын электрондук түрү (ЭТТН) жана электрондук эсеп-фактура (ЭЭФ) да киргизилди. Буга байланыштуу Бишкек шаарында, башка аймактарда бир нече жолу нааразылык акциялары өттү.
Кара-Сууда дүкөндөрдөн уурулук жасагандар кармалды. Бул тууралуу Ош ОИИБнын басма сөз кызматы кабарлады. Маалыматка ылайык, …
Кара-Сууда айылдашын темир менен башка чапкан жаран кармалды. Бул тууралуу Ош ОИИБдин басма сөз кызматы …
МЕКТЕПТЕРДЕ ЭВАКУАЦИЯ ИШИ ЖҮРҮҮДӨ Бишкекте бир эле учурда № 33, 89, 67 мектептеринин жана Кыргыз-Орус …
Кара-Суу райондук мамлекеттик администрациясынын башкы эсепчиси пара менен кармалды, деп билдирет КР Улуттук коопсуздук комитетинин …
Президент кол койгон тескемеге ылайык, Темирболот Абыкеев Ош облусунун Кара-Суу районунун акими болуп дайындалды. 38 …
Садыр Жапаров кечээ, 5-декабрда «Дордой» базарына барып, көзөмөл-кассалык машинелердин ишке киргизилишине нааразы болгон ишкерлер менен жолугушкан. …
