Каракол-Эңилчек унаа жолу кар көчкүдөн тазаланды. Бул тууралуу Өзгөчө кырдаалдар министрлигинин маалымат кызматынан кабарлашты.
Маалыматка ылайык, Каракол-Эңилчек унаа жолунун 80-81-чакырымында 14-февраль күнү саат 12:00дөр чамасында көлөмү болжол 6000 куб метр кар көчкү түшүп, унаа жол жабылган.
Тартылган техникалардын жардамында 14-февраль күнү саат 17:00дө унаа жолу бир тараптуу ачылып, 15-февраль күнү саат 16:00дө жол толугу менен тазаланып ачылган. Кар көчкүдөн жабыркагандар жок.