Ысык-Көлдө банктын кеңсесинен өрт чыкты. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, бүгүн таңкы саат 07:10 чамасында Каракол шаарындагы Токтогул көчөсүндө жайгашкан “Дос Кредо” банктын кеңсесинен өрт чыккандыгы тууралуу маалымат келип түшкөн.
«Жерине Каракол шаардык №15 өрткө каршы куткаруу бөлүмүнөн бир бөлүкчө тартылып, саат 07:27де чектөөгө алып, саат 08:05де толугу менен өчүрүлдү. Жалпысынан 2 чарчы метр имараттын ичи жана бир пластик терезе күйгөн»,-деп айтылат маалыматта.
Учурда өрттүн келип чыгуу себеби такталууда.