Казакстан Дүйнөлүк банктын негизги насыя берүүчү мекемеси эсептелген Эл аралык реконструкция жана өнүгүү банкынан дээрлик 346 миллион евро карыз алат. Бул тууралуу КазТАГ агенттиги кабарлады.
Басылманын маалыматына караганда, карыз алуу тууралуу тиешелүү макулдашуунун долбоорун жактырган жарлыкка өлкө президенти Касым-Жомарт Токаев кол коюп, ал дароо күчүнө кирди.
Макулдашууда банк Казакстанга 345,7 миллион евро берүүгө даяр экени жазылган. Карыз боюнча бир жолку алына турган комиссия жалпы сумманын 0,25% түзөт. Карыз акчаны резервдөө үчүн алына турган комиссия сумманын төлөнбөгөн калдыгынын жылдык 0,25% түзөт.
Документке ылайык, Казакстан каражатты экономиканын атаандаштыкка кыйла туруштук бере ала турган тармактарын колдоого, ошондой эле «экономиканын кыйла туруктуу өнүгүүсү үчүн негиздерди түзүүгө» жумшайт.
Казакстан карыздан 2033-жылдын 15-апрелине чейин толук кутулуп бүтүшү керек.
2020-жылы Казакстан COVID-19 пандемиясына каршы күрөшүү үчүн эл аралык каржы уюмдарынан 2 миллиард доллардан ашык каражат алган. Бул сумманын көпчүлүк бөлүгүн Азия өнүктүрүү банкы карызга берген.
2022-жылдын 1-январына карата жарыяланган маалыматка ылайык, Казакстандын тышкы карызы 165,1 миллиард долларды түзөт. Өткөн жылга салыштырмалуу карыздын көлөмү жарым миллиард долларга (0,3%) көбөйгөн.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Мамлекеттик салык кызматы «салык төлөөчүнүн кабинети» аркылуу онлайн түрдө салыктар жана камсыздандыруу төгүмдөрү боюнча карыздарды …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
