Казакстандын полициясы Караганды облусунун Шахтинск шаарында «АрселорМиттал Темиртау» компаниясынын юристинин өлтүрүлүшү боюнча кылмыш ишин козгоду.
54 жаштагы Ирина Емдин сөөгү беш кабаттуу үйдөгү батирден чыккан өрттү өчүрүү учурунда табылган. Ага бир нече жолу бычак сайылганы аныкталган. Өрт 23-апрелде чыккан. Батирде эмеректер жана башка буюмдар күйүп кеткен. Өрт эмнеден улам чыкканы айтыла элек.
Полиция департаменти күнөөлүүлөрдү аныктоо боюнча ыкчам иликтөө иштери жүрүп жатканын маалымлады. Иш «Киши өлтүрүү» беренеси боюнча иликтенүүдө.
Жергиликтүү басылмалар билдиргендей, маркум иштеген компания юрист 23-апрелде өлгөнүн ырастап, башка маалымат берген эмес.
Жергиликтүү журналисттер компаниянын юристинин өлтүрүлүшү анын кесиптик ишмердүүлүгүнө байланыштуу болушу мүмкүнбү деген суроону көтөрүштү. Айрым жалпыга маалымдоо каражаттары киши өлтүргөндөн кийин кылмышты жашыруу үчүн кимдир бирөө анын батирин өрттөөгө аракет кылган деп божомолдошууда.
Шахтинск шаарында «АрселорМиттал Темиртау» компаниясынын айрым шахталары жана көмөкчү ишканалары жайгашкан. Кенчилер шаарчасында 40 миңге жакын адам жашайт. Шахтинск облустун борбору Карагандыдан 50 чакырым алыстыкта жайгашкан.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
Каттоодон өтпөгөн “Алга, Казакстан!” оппозициялык партиясы “Талибан” кыймылы көзөмөлдөгөн ооган өкмөтү менен соода-сатыкты кеңейтүү жөнүндө …
