Казакстанда миң адам 10 миң литр кымыз бышып Гиннестин рекорддор китебине катталуу ниетин билдиришти. Бул тууралуу Sputnik Казакстан сайты жазды.
Маалыматка ылайык, кымызды бышуу боюнча акция Караганды облусундагы Жаңы-Арканын 90 жылдыгын белгилөө учурунда болгон. Кымызды аялдар челекке куюп алып бышкан. Ал эми рекордду Гиннестин өкүлү Юделькис Диас каттаган. Диастын айтымында, бул рекорддун критерийи — кымыздын көлөмү менен аны бир учурда бышкан катышуучулардын саны болгон.
«Райондун жетекчилигине рекорд коюлганы туурасында расмий сертификат тапшырылды», — деп айтылат маалыматта.