Казакстан Билим берүү жана илим министрлиги милдеттүү мектеп программасынан тунгуч президент Нурсултан Назарбаевдин жубайы Сара киргизген “Өзүн-өзү таануу” сабагын алып салууну чечти. Бул тууралуу жергиликтүү ЖМКлар министрликтин маалымат кызматына таянуу менен билдиришти.
2022-жылдын сентябрь айынан тартып бул предметти жаңыртылган окуу программасынын алкагында факультативдик сабактардын тизмесине которуу пландалууда. Мекеме эгер “Өзүн-өзү таануу” факультатив катары тандалса, ал мурдагыдай 11 жыл эмес, бир жыл гана окутуларын белгиледи.
Казакстандын мектеп программасында бул предмет 2009-жылы мурдагы президенттин жубайы Сара Назарбаеванын демилгеси менен пайда болгон. Долбоордун сайтында жазылгандай, анын максаты – “Өз билимин жана чеберчиликтерин ишке ашырууга жөндөмдүү, толук кандуу, руханий жактан билимдүү кишини калыптандыруу” болгон.
Назарбаев 2019-жылы мамлекет башчылыктан кеткенден кийин өлкөнү башкарууда айрым ыйгарым укуктарын сактап калган. Январдагы кандуу окуялардан кийин ал ардактуу эс алууда экенин, бардык бийликти Токаевге өткөрүп бергенин айткан.
“Нур Отан” партиясынын кезексиз курултайында анын жаңы төрагалыгына президент Касым-Жомарт Токаев шайланган. 28-январда башкаруучу партиянын саясий кеңеши да өзгөрүп, экс-президент Назарбаевдин жакындары жаңы курамга киргизилген эмес.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
Каттоодон өтпөгөн “Алга, Казакстан!” оппозициялык партиясы “Талибан” кыймылы көзөмөлдөгөн ооган өкмөтү менен соода-сатыкты кеңейтүү жөнүндө …
