Таластын мурдагы губернатору, Кемпир-Абад иши боюнча камакта жаткан Айбек Бузурманкулов сабалганын айтып арызданды. Бул тууралуу ал 15-майда Бишкектин Биринчи май райондук сотуна алынып келген учурда билдирди.
“Жерге жаткырып алып кабыргага урушту. Ичиме жазылган Кемпир-Абад, ачык сот деген жазууну өчүрүштү. Убактылуу кармоочу жайдын начальниги күбө. Кыйноолорду алдын алуу боюнча улуттук борборго арыз жаздым. Ачык сот, Кемпир-Абад деген сөздөн коркуп атышат”, — деди сот залынан.
Жаза аткаруу кызматы бул окуя боюнча маалымат бере элек.
