Бүгүн, 12-октябрда Орусиянын президенти Владимир Путин Кыргызстанга расмий сапар менен келди. Жапаров менен Путин эки жана көп тараптуу кызматташуунун мындан аркы өнүгүүсүн талкуулайт.
Саясий серепчи Эмил Жороев Путиндин бул сапары Россия эл аралык масштабдуу санкцияларга кабылып жаткандагы учурга туш келгенин белгилеп, буларга токтолду.
«Дүйнөдө Путин бара ала турган 5-6 мамлекет болсо алардын бири биздин өлкө.Ушул жолугушууда саясий, дипломатиялык сөздөргө көңүл бурулат болуш керек»,-деди Жороев.
Ал эми саясат талдоочу Сейтек Качкынбай Кыргызстан көп векторлуу саясатты кармана турганын айтып, Орусия менен Кыргызстандын алакасы боюнча төмөндөгүдөй пикирин билдирди.
«Кыргызстандын улуттук кызыкчылыктарын эске алганда биз азыркы учурда Орусиядан киндигибизди үзө албайбыз. Себеби аталган өлкөдө 1,5 млн кыргыз бар, жылына 2-3 млрд доллар өлкөгө котрушат. Ошол нерселерди эске алганда Кыргызстан нейтралдуу позицияны карманганга аргасыз. Жалгыз эле Кыргызстан эмес, Өзбекстан, Тажикстан, Казакстан деле ошондой көз карашта. Бул позициябызды дүйнө өлкөлөрү жакшы түшүнөт. Баардыгы эле биз менен мамилени кармаганга аракет кылып жатышат», — деди ал.
Ошондой эле эртең Бишкекте Кыргызстандын төрагалыгы алдында Көз карандысыз мамлекеттер шериктештигинин лидерлеринин жыйыны өтөт. Саясат талдоочу Орозбек Молдалиев эртең саммитте талкуулана турчу негизги маселелерди белгиледи.
“Алдыдагы иш-чаранын жүрүшүндө Шериктештикке катышкан мамлекеттердин соода-экономикалык жана маданий-гуманитардык чөйрөлөрдө кызматташтыгын кеңейтүүгө жана чыңдоого багытталган маанилүү чечимдер кабыл алынат деп күтүлүүдө. Мындан тышкары терроризм менен күрөшүү сыяктуу коопсуздук маселелери талкууланса керек. Ушул саммитте эл аралык борбор түзүлөт деген маалымат бар. Ошондой эле кылмыштуулук менен күрөшүү боюнча келишим түзүлүшү мүмкүн»,-деди Молдокматов.
Бүгүн Кыргызстандын өлкө башчысы Садыр Жапаров Россия Федерациясынын президенти Владимир Путин менен телефон аркылуу сүйлөштү. …
Президент Садыр Жапаров бүгүн, 21-февралда, Россия Федерациясына болгон иш сапарынын алкагында Татарстандын Казань шаарында Россиянын …
КМШ САММИТИ ӨТТҮ 13-октябрда Бишкек шаарында Көз карандысыз Мамлекеттер Шериктештигине мүчө-мамлекеттердин башчыларынын Кеңешинин саммити өттү. …
Бүгүн, 13-октябрда, Бишкек шаарында Кыргызстандын президенти Садыр Жапаровдун төрагалыгы астында Көз карандысыз Мамлекеттер Шериктештигине мүчө-мамлекет …
Бүгүн, 13-октябрда Өзбекстандын президенти Шавкат Мирзиёев Ардак белгиси менен сыйланды. Атайын сыйлык Мирзиёевге КМШ өлкөлөрүнүн …
КМШ өлкө башчыларынын кийинки жыйыны Россиянын Москва шаарында өтөт. Бул тууралуу бүгүн, 13-октябрда уюмдун аткаруу …
