Казакстандын президенти Касым-Жомарт Токаев өкмөткө коронавирустун өлкө аймагына жайылышына жол бербөө боюнча чечкиндүү чараларды көрүү тапшырмасын берди.
Ошол эле күнү кечинде өкмөт башчы Аскар Маминдин катышуусунда өткөн жыйында аэропорттордогу жана казак-кытай чек арасындагы көзөмөлдү күчөтүү, ошондой эле кытай товарлары сатылган чек арадагы «Хоргос» базарынын ишин убактылуу токтотуу чечими кабыл алынды.
Кошумчалай кетсек, Коронавирус (2019-nCoV) 2019-жылдын декабрь айында Кытайдын Ухань шаарында башталган. Азыркы убактагы маалыматтарга ылайык, 2 миңге жакын адам вируска кабылса, анын кесепетинен 57ге чукул адам каза болгондугу айтылууда.