Асел Ногойбаева анын кулак-мурдун кескен мурдагы күйөөсү Азамат Эстебесовду өмүр бою эркинен ажыратууну талап кылат. Бул тууралуу анын эжеси Диана Елькен билдирди.
Маалым болгондой, Асел Ногойбаеванын үй-бүлөсү Азамат Эстебесовду өмүр бою түрмөдө кармоо үчүн кол топтоодо.
Келин кылмышка шектүүнүн коом үчүн кооптуу экенин айтып, анын өзгөрөрүнөн күмөн санайт.
20-сентябрда Бишкектин четиндеги Селекция айылында 36 жаштагы Асел Ногойбаеваны мурдагы күйөөсү мыкаачылык менен бычактап, келин оор абалда ооруканага түшкөн. Шектүү кармалып, факт боюнча кылмыш иши козголуп, камакка алынган.