“Куликовский» ишканасында салыктык текшерүү өткөн аптада аяктаган. Бул тууралуу компаниянын башкы директору Денис Гайворонский Economist.kgге билдирди.
Компаниянын дарегине айтылган негизги даттануу башка соода түйүндөрү, мисалы, дүкөндөр жана супермаркеттер аркылуу сатылган мөөнөтү өтүп кеткен продукцияларды эсептен чыгарууда аныкталган мыйзам бузууларга байланыштуу.
Мыйзамга ылайык, мындай продукция Соода-өнөр жай палатасынын атайын комиссиясынын катышуусунда жок кылынышы керек. Бирок компания бул эрежени дайыма эле сактаган эмес, себеби күнүмдүк кирешенин аз көлөмү атайын комиссиянын катышуусуз продукцияны өз алдынча тескөөгө алып келген.
Текшерүүнүн жыйынтыгы менен аталган мыйзам бузуу үчүн компанияга 20 миллион сом айып салынган.
Денис Гайворонский белгилегендей, учурдагы мыйзамдарда айрым кемчиликтер бар, анткени күн сайын Соода-өнөр жай палатасынын өкүлдөрүн продукциянын чакан партияларын утилизациялоого тартуу көйгөйлүү. Буга байланыштуу компания салык кызматы жана башка ыйгарым укуктуу органдар менен мөөнөтү өтүп кеткен продукцияларды эсептен чыгаруунун натыйжалуу механизмин иштеп чыгуу боюнча сүйлөшүүлөрдү жүргүзүүнү пландаштырууда.
Эскерте кетсек, 4-сентябрда УКМК кызматкерлери “Куликовский” кондитердик тармагынын кеңсесинде тинтүү жүргүзүшкөнү белгилүү болгон. Болжолдуу себеп катары салыктык мыйзам бузуулар болгон. Тинтүү учурунда документтер алынып, бухгалтерияга мөөр басылган.
2025-жылы Бишкек шаарындагы муниципалдык коомдук транспортто — автобустарда жол кире төлөбөй жүргөн 369 киши кармалып, …
Кыргыз Республикасынын Президенти Садыр Жапаров бүгүн, 28-январда, “Ишкердик субъекттерге салык контролун жүргүзүүгө убактылуу тыюу салууну …
БШК 21-ноябрда шайлоо алдындагы үгүт шарттарын бузган үч жана атаандашынын ар-намысына шек келтирген бир талапкер …
Салык кызматынын төрагасынын орун басары Кубанычбек Ысабеков видеомаегинде 2022-жылдын 1-январына чейинки салыктык мезгилде түзүлгөн салыктык …
Мамлекеттик салык кызматынын мониторинг жана маалыматтык системаларды камсыздоо бөлүмүнүн мурдагы жетекчиси кармалды. Бул тууралуу УКМКдан …
Электрондук капчыктарды өзүнө каттабай иштетсе жазаланат. Бул тууралуу Мамлекеттик салык кызматынын төрагасынын орун басары Кубанычбек …
