Өкмөт башчы Мухаммедкалый Абылгазиев Россия Федерациясынын өкмөтүнүн төрагасы Михаил Мишустин менен телефон аркылуу сүйлөштү. Бул тууралуу бүгүн, 25-мартта өкмөттүн басма сөз кызматы кабарлады.
Эки тарап коронавирус инфекциясынын жайылышына байланыштуу маселе, анын таркашына жол бербөө боюнча кабыл алынып жаткан чаралар талкуулаган.
«Телефон аркылуу сүйлөшүүдө Россия Федерациясынан импорттолуучу күйүүчү-май, азык-түлүк жана товарларды ташуу мурунку тартипте жүзөгө ашырылып жатканы белгиленди», — деп айтылат маалыматта.