Жакында Евразиялык экономикалык биримдигине мүчө өлкөлөрдүн экономика жана финансы министрлери Москвага барып, Украинадагы кырдаалга байланыштуу көрүлчү экономикалык аракеттерди иштеп чыгат. Бул тууралуу Министрлер кабинетинин төрагасы Акылбек Жапаров 24-25-февраль күндөрү Нур-Султанда өткөн Евразиялык өкмөттөр аралык кеңешинин жыйынынан кийин билдирди.
«Дүйнө жүзүндө абал тынч эмес. Ага байланыштуу сомдун, теңгенин куну түшүп кетти. Ушунун баары биздеги экономикалык абалдан эмес, Орусия менен Украинанын ортосундагы түшүнбөстүктүн кесепетинен болуп жатат. Биздин эң көп соода-сатык Орусия менен. Соода-сатык көп болгон мамлекетте бирдеме болуп жатса бизге дагы таасири тиет. Чогуу-чаран кандай аракет кылабыз деп жакында финансы, экономика министрлери Москвада чогулат. Методикаларын иштеп чыгып, бири-бирибизге жардам бере турган мүмкүнчүлүктү карайбыз», — дейт Жапаров.
Акылбек Жапаров Кыргызстан менен Орусиянын ортосундагы соода жүгүртүү 2,5 млрд. долларга жеткенин белгиледи.
24-25-февралда Евразия өкмөттөр аралык кеңешинин жыйыны өттү. 2022-жылы Кыргызстан Жогорку Евразиялык экономикалык кеңешине, Евразиялык өкмөттөр аралык кеңешине жана Евразиялык экономикалык комиссиянын кеңешине төрагалык кылып жатат.
Булак: Азаттык
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Жогорку Кеңештин төрагасы Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту. Бул …
2024-жылдын 22-23-апрелинде Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. …
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
15-апрелде КРдин Индиядагы Элчиси Аскар Бешимов менен Индиянын Тышкы иштер министринин жаңы дайындалган орун басары …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
