30-мартка карата Кыргызстанда коронавирусун жуктуруунун 10 жаӊы учуру аныкталды. Бул тууралуу республикалык штабдан кабарлашты.
Маалыматка ылайык, 10 учурдун баары Жалал-Абад облусунун Сузак районунда табылды.
Коронавирус боюнча учурда Кыргызстанда бардыгы болуп 94 катталган учур бар.
Ал эми Жалал-Абад облусунда коронавирустан дарыланып жаткан 3 адамдын кайталанган анализи таза чыгып, ооруканадан чыгаруу маселеси каралып жатканы маалым болгон.
Кыргызстанда жалпы тастыкталган учурлардын саны – 94. Алардын ичинен Жалал-Абад облусунда – 50, Ош облусунда – 24, Чүй облусунда – 3, Баткен облусунда – 1, Ош ш. – 8, Бишкек ш. – 7, Нарын облусунда – 1 учур.
Коронавирусу аныкталган бейтаптардын ичинен: аялдарда – 53 учур, эркектерде – 41 учур.
