Кыргызстандык спортчу Эмил Молдодосов оор атлетика боюнча эл аралык мелдеште күмүш медаль тагынды.
Маалыматка ылайык, турнир Өзбекстандын Ташкент шаарында өтүүдө. Анда Молдодосов 81 кг чейинки салмакта катышып, күмүш байгеге татыды.
Кошумчалай кетсек, таймаш рейтингдик мелдеш болуп эсептелинет. Спортчулар жетиштүү упайларды топтоп, Токиодогу Олимпиада оюндарына жолдомо алууга мүмкүнчүлүк алышат.