Кыргызстандык балбан Акжол Махмудов менен россиялык спортчу Роман Власов күрөшө турган күн белгилүү болду.
Маалыматка караганда, аталган мелдеш Алматы шаарында 26-апрелде өтөт.
Бул күнү 10 өлкөнүн — Азербайжан, Армения, Индия, Иран, Казакстан, Куба, Кыргызстан, Молдова, Япония жана Россиянын мыкты балбандары күч сынашат.
Акжол Махмудов — Олимпиада жана Азия оюндарынын күмүш байгесинин ээси, дүйнөнүн бир жана Азиянын эки жолку чемпиону. Ал эми Роман Власов Олимпиаданын эки жолку жеңүүчүсү, дүйнөнүн үч жана Европанын төрт жолку чемпиону.