Мамлекеттик катоо кызматынын мурунку төрагасы Алмаз Мамбетов Ош шаарынын мэринин милдетин аткарууга 2-августта киришет. Маалыматты Govori.TVга мэриянын басма сөз катчысы Азамат Абсаттаров тастыктады.
Маалыматка караганда, Алмаз Мамбетов мэриянын жамаатына эртең тааныштырылат.
Кошумчалай кетсек, 45 жаштагы Алмаз Мамбетов 2016-2019-жылдары Балыкчы шаарынын мэри, 2019-2020-жылдары Мамлекеттик катоо кызматынын төрагасы, 2020-жылдагы октябрь окуяларынан кийин президенттин иш башкармалыгынын төрагасы болгон.