Шайлоого нааразы болгон партиялар азыркы учурда 7,5 миңден ашуун кол топтошту. Бул тууралуу бүгүн, 22-апрелде БШКнын алдында өтүп жаткан нааразылык акциясында «Кыргызстандын коммунисттер» партиясынын мүчөсү Амантур Манапбаев билдирди.
Анын айтымында кол топтоо дагы да уланат.
«Биз нааразылык акцияларыбызды акырына чейин улантабыз. Учурда 9 партия шайлоонун жыйынтыктарын жок кылууну талап кылып жатабыз. Бул боюнча кол топтоо жүрүп, азыркы күндө 7,5 миңдей кол топтолду, биз дагы да улантабыз. Шаардык кеңешке жалаң гана байлар өтүп кетишти», — дейт ал.
Белгилей кетсек, бүгүн шайлоого нааразы болгон партиялар митингге чыгышты. Алардын негизги талаптарынын бири шайлоону жокко чыгаруу болууда.
Кыргызстандык активисттер Change.org порталында Борбордук шайлоо комиссиясынын курамын толугу менен алмаштырып, таза жана ачык шайлоо өткөрүү талабы …
