5-декабрда «Манас» эл аралык аэропортунда жаңы эл аралык учуу залынын ачылышы болду.
Иш чарага Кыргыз Республикасынын Биринчи-вице-премьер министри К. Боронов, Кыргыз Республикасынын Өкмөтүнүн Аппаратынын Курулуш, транспорт жана коммуникациялар бөлүмүнүн башчысы
Г.Абдралиев, Кыргыз Республикасынын Транспорт жана жол министринин орун басары Ж.Ногойбаев, Кыргыз Республикасынын Транспорт жана жол министрлигинин алдындагы Жарандык авиация агенттигинин директорунун орун басары Б. Джунушалиев, «Кыргызаэронавигация» мамлекеттик ишканасынын башкы директору У Рахманов жана «Манас» эл аралык аэропорту» ААК Башкармалыгынын төрагасы М.Примбердиев жана башкалар катышты.
Кыргыз Республикасынын Биринчи-вице-премьер министри К. Боронов мындай долбоорлор борбордогу аэропорттун өнүгүшүнө жана Кыргызстандагы жарандык авиацияга оң тасирин тийгизет деп белгилеп өттү.
«Келечекте өлкөбүздүн аба дарбазасы болгон борбордук аэропортту өнүктүрүү боюнча масштабдуу долбоорлор жүзөгө ашырыла бермекчи»,- деди.
Кезегинде, «Манас» эл аралык аэропорту» ААК Башкармалыгынын төрагасы М.Примбердиев, жаңы эл аралык учуулар зонасынын ачылышы менен жүргүнчүлөр үчүн бир топ ыңгайлуу шарттар түзүлгөнүн билдирди. Жүргүнчүлөр күтүү залында жайгашкан «Duty Free» дүкөндөрүнөн керектүү буюмдарын алууга, кафеден тамактанууга мүмкүнчүлүктөр түзүлгөн жана балалуу ата-энелер үчүн атайын «эне-бала бөлмөсү» каралган.
Анын айтымы боюнча, буга чейин бул жер аэропорттун кызматкерлеринин иш бөлмөлөрү болгон.
Ошондой эле, М. Примбердиев белгилегендей, акыркы он жыл ичинде жүргүнчүлөр агымы жана каттамдардын саны бир топко көбөйгөн. 2009-жылдан 2018-жылга чейин жүргүнчүлөр агымы 3 эсеге көбөйүп, 2 084 625 адамды түзгөн.
«Манас» аэробекетинин эл аралык учуулар зонасын кеңейтүү» долбоору «МЭА» ААКнын жеке эсебинен каржыланды. Жыйынтыгында, эл аралык учуулар зонасы 1 357 чарчы метрге кеңейип, жалпы аянты 3 900 чарчы метрди түздү.
«Каракол» эл аралык аэропортунун курулушу 80%га аяктап калды. Бул тууралуу «Манас» эл аралык аэропортунан билдиришти. …
«Ош» эл аралык аэропортунда аба каттамдары жанданды. Бул тууралуу «Манас» эл аралык аэропртунан билдиришти. Буга …
Ысык-Көл облусундагы «Тамчы» аэропортунун тосмо дубалы кайра урап калды. Маалыматты «Манас» эл аралык аэропортунан тастыкташты. …
Бишкек-Раззаков-Бишкек багыты боюнча каттам эртеңкиге жылдырылды. Бул тууралуу аэропорттун басма сөз кызматы кабарлады. Маалыматка караганда, …
«Ош» эл аралык аэропорту штаттык режимде иштей баштады. Бул тууралуу “Манас” аэропортунун басма сөз кызматы …
Душанбенин эл аралык аэропортунда эки чек арачы жана бир бажычы кармалганы белгилүү болду. Алар жүргүнчүлөрдөн …
