Бишкек шаарынын мэриясы 2023-жылдын 31-декабрында борбор калаанын тургундары жана коноктору үчүн кызыктуу жаңы жылдык программа даярдады.
Саат 19:00дө Ала-Тоо аянтында борбор калаанын мэриясынын маданият башкармалыгынын чыгармачыл топтору менен улуттук эстрада жылдыздарынын катышуусунда концерт башталат.
Жаңы жылдык иш-чара саат 00:00дө 2024-жылкы Жаңы жыл түнү менен аяктайт.
Жарандардын ыңгайлуулугу үчүн автобус жана троллейбус каттамдары саат 00:30дан тарта каттайт.
Укук коргоо органдарынын кызматкерлери жарандардын коопсуздугун камсыздайт, ошондой эле иш-чара өтүүчү жерде медициналык тез жардам борборунун жана өрткө каршы кызматынын кызматкерлери да нөөмөттө болушат.
Жаңы жыл майрамына байланыштуу Чүй проспектиси боюнча Панфилов көчөсүнөн Эркиндик бульварына чейин унаа кыймылы токтотулат.
Мындан тышкары, Киев көчөсү Эркиндик бульварынан Панфилов көчөсүнө чейин жеке транспорт үчүн жабылат. Панфилов көчөсү Чүй проспектисинен Киев көчөсүнө чейин эки тараптуу кыймыл үчүн жеткиликтүү болот.
Эркиндик бульварында Чүй проспектисинен Киев көчөсүнө чейин эки тарапка унаа токтотууга тыюу салынат. Бирок, 2024-жаңы жылды майрамдоо учурунда борбор калаанын жарандарына жана конокторуна ыңгайлуу болушу үчүн атайын унаа токтотуучу жайлар аныкталган:
Бишкек шаарынын мэриясы шаар тургундарын келе жаткан Жаңы 2024-жыл менен куттуктайт. Ошондой эле унааларды атайын бөлүнгөн жерлерге калтырып, коопсуздук чараларына түшүнүү менен мамиле кылууну суранат.
Бишкек мэриясы менен Өзбек-кыргыз өнүктүрүү фонду коммуналдык кызматтар үчүн атайын техника жеткирүү боюнча меморандумга кол …
