Жогорку Кеңештин жыйынында депутат Гүлшаркан Култаева эмгек, социалдык камсыздоо жана миграция министринин биринчи орун басары Камчыбек Досматовдон жетекчилик кайсы учурларда кызматкерди эмгек өргүүсүнөн чакыртып ала аларын сурады.
Министрдин орун басарынын айтымында, кызматкерди анын макулдугу менен гана чакыртып алууга болот, ал эми кызматкердин макулдугусуз бул кадамга жол берилбейт.
Депутат ошондой эле өткөн жылы өргүүсүн колдонбогон кызматкер аны кезектеги өргүүсүнө кошуп алса болобу деп тактады.
Досматов мындай нормалар эмгек мыйзамдарында каралганын жана кызматкер кошумча өргүү алууга укуктуу экенин белгиледи.
