-35 градуска чейин төмөн түшүп жаткан аба ырайына байланыштуу Нарын районундагы жалпы 32 мектеп аралыктан окууга өткөрүлдү.
Мындай чечим 12-январдагы штабдык отурум учурунда кабыл алынган.
Белгиленгендей, ӨКМ аймактагы суук 19-январга чейин күчүндө болорун билдирген. Мындан улам алыс жактардан, тоо этектеринен келген балдардын коопсуздугуна жана ден соолугуна кам көрүү максатында окуучулар онлайнга өтүшкөнү айтылды.
Буга чейин Ак-Талаа районундагы мектептер да сууктан улам аралыктан окууга чыгышкан болчу.
