Социалдык тармактарда мугалимдин окуучуга кол көтөрүп жаткан видеосу тараган. Окуя Бишкекте мектептердин биринде болгон.
Свердлов райондук ички иштер бөлүмүнүн маалыматы боюнча, окуя маалымат журналына катталган. Тергөөнүн алкагында 1983-жылы туулган К.Д. зарыл болгон процессуалдык кадамдарды жасоо үчүн милиция бөлүмгө алынып келинген.
«Учурда алдын ала тергөө жүрүп жатат, зарыл болгон соттук-медициналык экспертизалар дайындалды жана окуянын бардык жагдайлары аныкталууда. Тергөөнүн жыйынтыгы боюнча, окуяга Кыргыз Республикасынын мыйзамдарынын талаптарына ылайык юридикалык баа берилет. Белгилей кетсек, жашы жете элек баланын ата-энеси жазуу жүзүндөгү арыз берүүдөн баш тартышкан жана мугалимге эч кандай дооматы жок», — деп жазылат милициянын маалыматында.
