Орусия ЕАЭБ өлкөлөрүнө дан өсүмдүктөрүн жана кумшекерди экспорттоого тыюу салды. Бул тууралуу ТАСС агенттиги аталган өлкөнүн экономика жана өнүктүрүү министрлигинин басма сөз кызматына таянып жазды.
Маалыматка ылайык, чектөө 2022-жылдын 31-августуна чейин киргизилди. Чечим өлкөнүн азык-түлүк коопсуздугун камсыздоо жана ички рынокту коргоо максатындан кабыл алынган.
Ведомстводон ЕАЭБ өлкөлөрүнө кумшекерди орус Айыл чарба министрлигинин уруксаты менен гана экспорттоого болорун кошумчалашты.