• Ишенби 20 Чын куран 2024
  • Суббота 20 Апрель 2024

Орусия Өзбекстанга газ жеткирүүнү эки эсеге көбөйттү

28 Бештин айы 2023 10:25 Бишкек Govori.TV

Орусиянын “Газпром” компаниясы катуу суук өкүм сүрүп жаткан маалда Өзбекстанга газ берүүнү көбөйттү.

Бул тууралуу 26-декабрда Орусиянын президенти Владимир Путинге компаниянын төрагасы Алексей Миллер билдирди.

Миллердин айтымында, учурда жеткирүүнүн көлөмү «кол коюлган келишим боюнча күнүмдүк милдеттенмелерден эки эсеге» ашат жана «Орто Азия-Борбор» газ ташуу системасынын максималдуу өткөрүү жөндөмдүүлүгүнө туура келет.

7-октябрдан тарта Өзбекстан күз-кыш мезгилиндеги көгүлтүр отун тартыштыгынын бир бөлүгүн жабуу үчүн Казакстан аймагы аркылуу Орусиядан газ импорттой баштаган.

«Өзбекстан үчүн «Орто Азия-Борбор» газ кууру аркылуу газ берүү мүмкүнчүлүгү күз-кыш мезгилинен чыгуу үчүн абдан маанилүү фактор болуп саналат. Ал эми бизде азыр мындай техникалык мүмкүнчүлүктөр бар – биз өзбек кесиптештерибиздин өтүнүчү боюнча Өзбекстанга газды толугу менен жеткирип жатабыз», — деп белгиледи «Газпромдун» башчысы.

Октябрда Орусиядан Өзбекстанга 300 миллион куб метрге жакын газ жеткирилген.

Количество просмотров: 88