Орусияда президенттик шайлоого добуш берүү башталды. Жараян 17-мартта аяктайт.
Чукотка менен Камчаткада биринчи шайлоо тилкелери Москва убактысы боюнча 14-мартта саат 23:00дө ачылды.
Мөөнөтүнөн мурда добуш берүү 25-февралда башталган. БШК төрайымы Элла Памфилова 2,3 миллион адам мөөнөтүнөн мурда добуш бергенин билдирди. Борбордук шайлоо комиссиясы жалпысынан Орусияда жана чет өлкөлөрдө 112 309 947 шайлоочу катталганын кабарлады.
Орусияда президенттик шайлоо аннексияланган Крымда жана Украинанын оккупацияланган Донецк, Луганск, Запорожье жана Херсон облустарында да өтүүдө.
Дүйнөнүн бир катар өлкөлөрүндө мөөнөтүнөн мурда бир күндүк добуш берүү жүрүп жатат. Чехия, Ливия, Кувейт жана Катарда орус жарандары 15-мартта, Иран, Шри-Ланка жана Мальдив аралдарында, Ямайка, Оманда 16-мартта гана добуш бере алышат.
Орусияда президенттик шайлоого төрт талапкер: азыркы президент Владимир Путин (өзүн-өзү көрсөткөн), Владислав Даванков («Новые люди»), Леонид Слуцкий (ЛДПР) жана Николай Харитонов (Орусия Федерациясынын Коммунисттик партиясы).
Федерациялар Кеңеши президенттик шайлоонун датасын белгилегенден кийин «Коррупцияга каршы күрөшүү фонду» Путинден башка талапкерге добуш берүү чакырыгы менен «Путинсиз Орусия» өнөктүгү башталганын жарыялаган.
Путин Орусияны 2000-жылдан бери башкарып келет.
Борбордук шайлоо комиссиясы (БШК) Ош, Баткен жана Кара-Сууда мөөнөтүнөн мурда өткөн парламенттик шайлоонун жыйынтыгын жарыялады. …
Кыргызстанда биринчи жолу шайлоочулар шайлоо тилкелеринде идентификациядан өтүү үчүн электрондук паспортторун колдонушууда. Бул тууралуу Борбордук …
Бүгүн саат 08:00дөн тарта №2 Баткен, №7 Ош жана №9 Кара-Суу бир мандаттуу шайлоо округдарында …
Бүгүн, 16-декабрда Бишкекте Элдик курултайдын жүрүшүндө президент Садыр Жапаров курултайдын катышуучулары тарабынан келип түшкөн суроолорго …
Бишкекте №26 Ленин бир мандаттуу шайлоо округу боюнча Жогорку Кеңештин депутатын шайлоо аяктады. Саат 20:00дө …
№ 26 Ленин бир мандаттуу шайлоо округу боюнча саат 16:00гө карата добуш берүүгө келген адамдардын …
