Москвада 60тан ашуун тажик мигранты «Озоди» радиосуна Орусиянын Миграция кызматына каттоодон өтүү үчүн потенциалдуу иш берүүчүнүн арызы жана аны менен түзүлө турган эмгек келишимин көрсөтүү керектигин айтышты.
Бул эмгек мигранттары эки жылдан бери Орусиянын борборундагы жатаканалардын биринде жашашат, бирок мындай жагдайга биринчи жолу туш болушту. Жатакананын ээси билдирүүдө көрсөтүлгөн документтердин баарын тапшырууну талап кылууда.
«Жатакананын дубалына илинген эскертүүдө Өзбекстандын жарандарына беш, Тажикстандын жарандарына алты талап камтылганы (ЕАЭБдин курамына кирген Кыргызстандын жарандары жөнөкөйлөштүрүлгөн процедурадан өтүшөт – Ред.) жазылган», — деген атагысы келбеген мигранттар бири.
Тажикстандын жарандары паспорт, миграциялык карта, манжа изин күбөлөндүргөн маалымкат, патент жана убактылуу каттоодон тышкары, иш берүүчүнүн арызын да бериши керек, анда Тажикстандын жараны «Орусиянын миграция мыйзамдарынын талаптарын бузгандыгы үчүн административдик жана кылмыш жоопкерчилиги жөнүндө» эскертилгендиги жана иш берүүчү «мыйзамдын сакталышына кепилдик бере тургандыгы жөнүндө» жазылат.
Адатта Орусияда чет өлкөлүк жарандарды каттоону жатакана же ижарага алынган турак жайлардын ээлери жүргүзүп келген. Иш берүүчү болсо мигрант менен эмгек келишимин түзгөндөн кийин гана миграция кызматына билдирүү жөнөтүп турган.
22-мартта Тажикстандын 12 жараны айыпталып жаткан «Крокус Сити Холлдогу» теракттан кийин орус бийлиги тажик мигранттарына кысымды күчөттү. Соңку үч айда Тажикстандан жүздөгөн эмгек мигранттары Орусиядан чыгарылып, миңдеген тажиктердин Орусияга кирүүсүнө тыюу салынды.
Тышкы иштер министрлиги (ТИМ) Кыргызстандын жарандарына жүйөлүү себептер болбосо Орусияга барбай турууну сунуштады. ТИМдин 2-майда …
Иркутск шаарындагы калайман мушташка катышкан кыргызстандык жана тажикстандык мигранттар Курман айт майрамынын алдында элдешти. Бул …
5-июнда Москва облусунун Сергиев Посад шаарында тажик мигранттары жашаган төрт вагон күйүп кетти. Вагондо жашагандар …
Орусияда тажик мигранттары жапырт кармалган видео социалдык тармактарга жарыяланды. Маалыматка караганда, полиция кызматы бир учурда …
Италиянын бийлиги мыйзамсыз мигранттардын агымы болуп көрбөгөндөй көбөйгөнүнө байланыштуу өзгөчө абал режимин жарыялады. Маалыматка караганда, …
Москвада миңдеген мигрант, анын ичинде Өзбекстан менен Тажикстандын жарандары өздөрү иштеген «Крокус Групп» курулуш компаниясына …
