• Жума 12 Теке 2024
  • Пятница 12 Июль 2024

УКМК: УКТнын мүчөсү болгон маркум Анапияевдин бир тууганы кармалды

3 Теке 2024 17:08 Бишкек Govori.TV

УКМК тарабынан алдамчылык фактысы боюнча козголгон кылмыш ишинин алкагында уюшкан кылмыштуу топтун мүчөсү болгон маркум Алманбет Анапияевдин бир тууганы А.Г.М аттуу жаран кармалды. Бул тууралуу УКМКнын басма сөз кызматынан кабарлашты.

Маалыматка ылайык, А.Г.М. аттуу жаран А.А.М. аттуу жарандын ишенимине кирип, «ДСШ» маркасындагы көмүрдү көп өлчөмдө жана арзан баада (1 кг көмүрдүн баасы 1,6 сомдон) сатууга убада берип, андан соң алдоо жолу менен 100 миң АКШ долларын алып кеткен жана ар кандай шылтоолор менен мурда алган акчасын кайтаруудан баш тарткан.

Ыкчам-тергөө иш-чараларынын комплексинин жыйынтыгы боюнча үстүбүздөгү жылдын 2-июлунда Кыргыз Республикасынын ЖПКнын 96 жана 97-беренелеринин тартибинде ири өлчөмдөгү алдамчылык фактысы боюнча КР жараны А.Г.М кармалып, КР УКМКнын убактылуу кармоочу жайына камакка алынды.

Учурда аталган кылмыш иши боюнча тергөө иштери уланууда.

«Жогорудагы А.Г.М.нын кылмыштуу аракеттеринен жабырлануучу тараптар болсо КР УКМКга 0312 660475, 0312 626504, 0322 70009, 0997 464603 (WhatsApp) телефондору аркылуу кайрылыңыз», -деп кошумчаланды маалыматта.

Количество просмотров: 236