Президент Садыр Жапаров Ош шаарында 10 жаңы мектептин пайдубалын түптөө аземине катышты.
Мектептер Турукташтыруу фондунун каражаттарынын эсебинен курулуп, иш-чара мамлекет башчысынын Ош облусуна болгон иш сапарынын алкагында уюштурулду.
Садыр Жапаров өз сөзүндө билим берүү өлкөнүн туруктуу өнүгүүсүнүн негизги багыттарынын бири экенин белгилеп, долбоордун маанисине токтолду.
“10 мектептин курулушу – бул Ош үчүн гана эмес, жалпы өлкө үчүн маанилүү окуя”, – деди президент.
Ошондой эле ал билим берүүгө салынган инвестиция келечек муун үчүн эң баалуу салым экенин кошумчалады.
