Президенттин Ошко иш сапарына байланыштуу коопсуздук чаралары күчөтүлдү.
2026-жылдын 10–15-апрель күндөрү Президент Садыр Жапаровдун Ош шаарына жана Ош облусуна болгон жумушчу сапарынын алкагында мамлекеттик деңгээлдеги иш-чаралар өтөт.
Ушуга байланыштуу ички иштер органдары күчөтүлгөн тартипте кызмат өтөп, коомдук коопсуздукту камсыздоо, жол кыймылын жөнгө салуу жана тартипти сактоо боюнча кошумча чаралар көрүлүүдө. Айрым аймактарда жана расмий делегациянын жүрүү багыттарында убактылуу жол чектөөлөрү киргизилет.
Жалпысынан 3500дөн ашуун милиция кызматкери жана ички аскерлер тартылат.
Жарандардан убактылуу чектөөлөргө түшүнүү менен мамиле кылуу жана алдын ала маршрут пландоо суралат.
